![](https://static.wixstatic.com/media/a27d24_dadd0ab934ad4ae8a8ec05757881f087~mv2_d_2278_1593_s_2.jpeg/v1/fill/w_147,h_103,al_c,q_80,usm_0.66_1.00_0.01,blur_2,enc_auto/a27d24_dadd0ab934ad4ae8a8ec05757881f087~mv2_d_2278_1593_s_2.jpeg)
'Marie-Victorin' er Kordesii blendingur í kanadísku Explorer-seríunni, eins og rósin 'Champlain'. Blómin eru fallega bleik, með laxableikum knúppum. Ég man ekki hversu ilmsterk hún er, en minnir að það hafi verið einhver ilmur. Ég keypti plöntuna í gegnum rósaklúbb GÍ vorið 2017. Hún blómstraði mjög seint það ár, í september, svo hún náði ekki alveg að sýna hvað í henni býr. En það sem hún stal senunni í fyrrasumar. Þar sem hún er í rósabeðinu með dekurrósunum, þá nýtur hún góðs af vetrarskjólinu undir akrýldúknum, svo ég veit ekki hvernig hún stæði sig án vetrarskýlis. Hún á að vera nokkuð harðgerð skv. erlendum harðgerðiskvörðum, USDA zone 3 og H6 á skandínavíska skalanum.